يوميات عطية وبهية 2

وصلنا لحد فين يا ولاد

اه

و يشتد الصراع و عطية و بهية بصين لبعض و مش شايفين و لا سامعين

لحد لما ..........................

فجأة في صوت خناقة تحت عالي جدا
ركزت ام بهية في الصوت و صرخت مفزوعة
بهيييييييييييييييييييييييييييييييييييييييييييييييي ييييييييييييييييييييييه
الحقي يا بهية صوت ابوكي في الشارع دة باين عليه بيتخانق

ام عطية بشماته دة انتو وش شكل بقا ، من الناس اللي بتقول شكل للبيع

و يا ترى يا ختي العمارة دي اسمها عمارة المشاغبين زي مدرسة المشاغبين كدة
لا يا حبيبتي مكنش ليها اسم لحد ما جيتوا و جيبتوا السعد في رجليكم

تجري ام بهية بسرعة تلبس العباية عشان تروح نلحق جوزها و تسيب بهية عشان تراقب الخناقة من البلكونة

ام عطية شمتانة تجري هي و ابنها على بلكونتهم عشان يراقبوا الخناقة

تبص ام عطية من البلكونة فتلاقي ابو عطية ماسك في زومارة واحد في الشارع و بيتخانقوا على شئ مجهول و كل اللي في الشارع بيتفرجوا
اللي بيتفرج و يضحك و اللي بيصور بالموبايل و الخناقة شديدة و ام بهية بتساعد جوزها في الخناقة من صريخ و خلافه

تصرخ ام عطية في عطية : انزل يا عطية الحق ابوك الراجل المجنون و مراته الشلأ حيموتوه

ينزل عطية بسرعة و يقف وسط الناس تصرخ امه من البلوكنة متشوف ابووووووووووووك

تلمحها ام بهية و تعرف مين هو الراجل اللي بيتخانقوا معاه

و تضرب في الراجل و تقلوه ازاي تخلي الغسيل بتاعكم ينقط على الغسيل بتاعنا و الراجل الست بتضرب فيه و مش فاهم حاجة
فتقرر ام عطية النزول حتى تكون المعركة متكافئة

تنزل ام عطية بسرعة و تشتبك في قتال عنيف مع ام بهية

و تتوقف الخناقة الرجالي ليشتد حمى الوطيس النسائي و يصبح دور ابو عطية و ابو بهية فك الاشتباك بين الزوجات و عطية واقف مذهول و بهية واقفة في البلكونة

فجأة جه البواب و قال لابو عطية خلاص يا بيه لقيتلك مكان تاني تركن فيه

فسمعوا ابو بهية و قاله خلاص دة يبقا مكانك و مالكش دعوة بمكاني ابدا اياك تركن فيه انت فاهم و الا تحب اشرحلك

رد ابو عطية : اما انك راجل هايف صحيح و بعدين دة شارع الحكومة مش الورث اللي سابهولك ابوك
ابو بهية : لا هو الورث اللي سابهولي ابويا ايه رايك بقا مش عاجبك اشتكي

ام بهية لابو بهية : ايه دة هو انت كنت بتضربة علشان المكان انا كنت بحسبك بتضربه عشان الغسيل

ابو بهية : غسيل ايه دة هما الناس دي موراهمش غير المشاكل
ماشي هما خلاص بقوا في دماغي و ايامهم حتتنقرش من هنا و رايح

خلاص يلا بينا نطلع بيتنا دة انا طبخالك حته اكلة
ابو بهية : اكلة ايه - منا لسة واكل

و يتحرك ابو بهية و ام بهية ناحية العمارة و تظل عيلة عطية في الشارع
حتى ..................................